3 góð minnisráð – svona til að muna eftir árinu

1. Fylgstu með: Ég vona að þú hafir fylgst vel með á árinu, því að athygli og einbeiting hjálpar til við að muna betur. Eitt helsta vandamálið er að við einbeitum okkur ekki að ákveðnum hlutum í kringum okkur og munum þá síður. Áhugi spilar hér að sjálfsögðu heilmikið inn í, því við einbeitum okkur sjálfkrafa meira að þeim hlutum sem við höfum meiri áhuga á en hinu.

2. Það að muna gerist ekki sjálfkrafa: Því meðvitaðari sem við erum um að einbeita okkur og muna eitthvað tiltekið, því betur munum við muna það. Og því fleiri smáatriði munum við.

3. Afslappaður heili hjálpar minninu: Lærðu að slaka á huganum. Og mundu það sem þú lærðir í afslöppuðu andrúmslofti. Tökum sem dæmi að þú hafir týnt bíl lyklunum. Ef þú verður frústreraður þá er oft erfiðara að muna hvert þú settir þá, en þegar þú slakar á og hugurinn fær aðeins að róast, að viti menn þá geturðu oftar en ekki spólað eilítið til baka og fundið út hvar þú settir bíllyklana. Var það nokkuð í jakkavasanum?

Heilahreysti!

Rannsóknir sína að þú getur bætt a.m.k. 10 árum við líftíma heilans með því einfaldlega að nota hann meira. Fylgdu þessum ráðum frá Rodale Publishing, og heilinn þinn verður skarpari, lengur.

• Gefðu LÍKAMANUM leikfimi. Rannsóknir sína að fólk sem er líkamlega hraust stendur sig betur á greindarprófum samanborið við einstaklinga sem hreyfa sig lítið sem ekkert. Þetta stafar af því að þegar við reynum á líkamann í leikfiminni erum við að pumpa meira blóði til heilans, sem gefur heilabörknum meira súrefni, þar sem að mikið reynir á minnið, athyglina og rökhugsun! Reyndu þessvegna að reyna vel á líkamann a.m.k. tvisvar í viku.
• Kafaðu í kryddskúffuna. Rannsókn sem birt var í Journal of Neurochemistry benti á sjö svokölluð “hugar krydd” – sem eiga að hafa jákvæð áhrif á heilafrumurnar. Kryddin sem nefnd voru, voru kanill, túrmerik, basilikka, oreganó, blóðberg, salvía og rósmarín. Og svo virðist sem t.a.m. sýrur sem er að finna í rósmarín hafi minnkað líkurnar á heilablóðfalli í músum um allt að 40% þannig að einhver áhrif virðist þetta hafa. Prufaðu að strá eins og einni teskeið af einhverjum þessara krydda í kaffið, te-ið eða yfir matinn 5 sinnum á dag og kannaðu hvort að heilinn verði ekki hraustari
• Borðaðu meiri fisk. Við vitum það að omega 3 fitusýrurnar eru mjög hollar fyrir hjartað, en heilinn er að miklu leyti samansettur úr fitusýrum og þessvegna er það oft sem að fituríkur fiskur, fullur af omega 3 er sagður vera algjört heilafæði!
• Eigðu fleiri samræður. Rannsókn sem háskólinn í Michigan í Bandaríkjunum framkvæmdi sýndi að fólk sem átti samtöl við aðra 10 mínútum fyrir próf stóð sig almennt betur á prófinu heldur ein þeir sem þögðu. Af hverju? Sérfræðingar telja að félagsskapur og samræður hjálpi til við að skerpa heilastarfsemina, vegna þess að heilinn er stöðugt að tengja nýjar upplýsingar þegar þú átt samtal við aðra.